CII's Meetings

  Meeting(180)

200th Meetings 210 209 208 201 190th Meetings 199 196 195 194 192 191 190 180th Meetings 189 186 185 184 183 182 181 180 170th Meetings 179 178 175 174 173 172 171 170 160th Meetings 169 168 167 166 165 164 163 162 161 160 150th Meetings 159 158 157

پریس ریلیز اسلامی نظریاتی کونسل اسلام آباد کا دو روزہ ۱۸۰ واں اجلاس (یکم ۔ دو مارچ ۲۰۱۱ئ) کونسل کے آڈیٹوریم ہال میں کونسل کے چیئرمین جناب مولانا محمد خان شیرانی کے زیر صدارت منعقد ہوا جس میں حسب ذیل معزز اراکین کونسل نے شرکت فرمائی۔ جناب مولانا فضل علی، جناب ڈاکٹر انوار حسین صدیقی، محترمہ ڈاکٹر صبیحہ قادری، محترمہ شاہدہ اختر علی، جناب مولانا ابو الفتح محمد یوسف، جناب مولانا محمد صدیق ہزاروی، جناب ڈاکٹر محمد ادریس سومرو،جناب مولانا غلام مصطفی رضوی، جناب مفتی محمد ابراہیم قادری، جناب مولانا سیدسعید احمد شاہ گجراتی۔ اجلاس میں کونسل کے گزشتہ ۱۷۹ ویں اجلاس منعقدہ ۲۳! دسمبر ۲۰۱۰ء کی روداد کی توثیق کی گئی اور اس میں کیے گئے فیصلوں پر عمل درآمد رپورٹ ملاحظہ کی گئی اوراس پر اطمینان کا اظہار کیا گیا۔ او آئی سی کی تجاویز کے مطابق حلال کھانے کے معیار کے حوالے سے وزارت خوراک و زراعت، اسلام آباد سے استفسار کے ضمن میں کونسل نے یہ رائے دی کہ تکلیف سے بچانے کے لیے کسی مناسب طریقے سے بے ہوش کردہ جانور کا ذبیحہ کھانا حلال ہے۔ مزید برآں کونسل نے اپنے آئندہ اجلاس کے لیے متوقع ایجنڈے کی منظوری دی۔ مؤرخہ ۲! مارچ کو کونسل کے اجلاس کے دوسرے سیشن کے دوران یہ اندوہناک خبر وصول ہوئی کہ اقلیتوں کے وفاقی وزیر جناب شہباز بھٹی کو اسلام آباد کے I-8 کے علاقے میں مسلح افراد نے فائرنگ کر کے قتل کر دیا۔ کونسل نے اس واقعہ پر افسوس کا اظہار کرتے ہوئے معاشرہ میں عدم برداشت، شدت پسندی اور انتہاء پسندی کے بڑھتے ہوئے رجحان پر تشویش کا اظہار کیا۔ کونسل نے معاشرہ کے تمام طبقات پر زور دیا کہ وہ ملک و قوم، ملت اور امت اسلامیہ کو درپیش گوناگوں مسائل و مشکلات کے پیش نظر ایک دوسرے کے احترام اور افہام و تفہیم پر مبنی سنجیدہ رویوں کا مظاہرہ کریں تاکہ انتشار، افراتفری اور لاقانونیت کے بڑھتے ہوئے رجحان پر قابو پایا جاسکے اور ملک میں امن و امان کی بگڑتی ہوئی حالت کو سنبھالا دیا جاسکے۔ (محمد الیاس خان) ڈائریکٹر جنرل (ریسرچ)