CII's Meetings

  Meeting(189)

200th Meetings 210 209 208 201 190th Meetings 199 196 195 194 192 191 190 180th Meetings 189 186 185 184 183 182 181 180 170th Meetings 179 178 175 174 173 172 171 170 160th Meetings 169 168 167 166 165 164 163 162 161 160 150th Meetings 159 158 157

پریس ریلیز وفاقی شرعی عدالت ربا کے متعلق زیرالتواء کیسوں کی سماعت جلد شروع کرے سزائے موت کا خاتمہ اسلامی شریعت کے خلاف ہے، اسلامی نظریاتی کونسل اسلامی نظریاتی کونسل کا ۱۸۹واں اجلاس چیئرمین، اسلامی نظریاتی کونسل جناب مولانا محمد خان شیرانی کی زیرصدارت منعقد ہوا۔ اجلاس میں ارکان کونسل جناب مولانا محمد حنیف جالندھری، جناب جسٹس (ر) نذیر اختر، جناب جسٹس (ر) مشتاق اے میمن، جناب سید فیروز جمال شاہ کاکا خیل، جناب علامہ سید افتخار حسین نقوی، جناب علامہ زبیر احمد ظہیر نے شرکت کی۔ اجلاس میں کونسل نے متفقہ فیصلہ کیا کہ وفاقی شرعی عدالت سے گزارش کی جائے کہ ربا سے متعلق زیرالتواء کیس کی جلد سماعت کر کے فیصلہ صادر کیا جائے۔ کونسل نے یہ بھی قرار دیا کہ سزائے موت کا خاتمہ اسلامی شریعت کے خلاف ہے اگر حکومت اس حوالے سے پارلیمنٹ میں کوئی بل زیربحث لانے کا ارادہ رکھتی ہے تو اس کو پہلے کونسل کے غوروخوض کے لئے بھیجا جائے۔ کونسل نے مزید حسب ذیل امور پر غور کیا: بچوں (کم عمر افراد) کی شادی کے امتناع کا ترمیمی بل ۲۰۰۹ء، خواتین کے مفاد کے منافی اقدامات کا (ترمیمی) فوجداری ایکٹ مجریہ ۲۰۱۱ء، گھریلو تشدد کے بارے میں قومی اسمبلی سے منظور شدہ بل اور دیگر مسائل پر غوروخوض کیا اور سفارشات مرتب کیں۔ کونسل نے قرار دیا کہ مملکت خداداد پاکستان میں قانون سازی کرتے وقت اسلامی تعلیمات کو ہر صورت میں مدنظر رکھا جانا چاہیے تاکہ اس سلسلے میں آئینی تقاضے پورے کئے جا سکیں۔ (ڈاکٹر انعام اللہ) چیف ریسرچ آفیسر